Ukuipelesha

Bushe bantu banga abakasendamo ulubali muli aya masambililo elyo nibani bengaibimbamo??

Aya masambililo yakalemba abantu ukufika kuli 2600 mu calo ca South Africa, Malawi, Mozambique, Zambia, elyo na Zimbabwe. Pakuibimba muli aya masambililo, banamayo bafwile baba ababumi, ababula ukukwata akashishi ka HIV, elyo bafwile ukuba pakati ka myaka 18 na 35. Aba banamayo bafwile baipelesha ukucecetwa ku bumi elyo nokupeelwa bu mpandamano pamulandu wa kupimwa kwa HIV. Tabafwile baba ne fumo nangu ukulaonsha. Kuliko ifikomo nafimbi ifilingile ukufikilishiwa pakuti umuntu engasendamo ulubali muli aya masmbililo. 

Ifyo mulingile ukucetekela ngacakuti mwasala ukuipelesha

Tukasuka amepusho yonse ayo mukwete pakushininkisha ukuti mwaumfwikisha fyonse ifilecitika ilyo mwaibimba muli aya masambililo. 

  • Mukapimwa umubili ukubikapo nokupimwa umulopa. Umulopa wenu ukabomfiwa ukupima akashishi ka HIV; ukumona ifyo ubucingo bwa mubili wenu buleyampana neyi miti; kukupima icifyalilwa cenu elyo no kupima kumbi ukukafwilisha bakafwailisha ukumfwikisha ubumi bwa ulesendamo ulubali elyo no bucingo bwa mubili.
  • Ilyo amasambililo yakalacitika, mukalaya ku cipatala pamiku ukufika kwi kumi limo na cinelubali (17) pa nshita ya myaka itatu. Pa miku ine (4) pali uku kutandala kwenu, mukalaswa inshindano sha muti wa bucingo nangu icimpashanya. Shonse pamo mukalaswa inshindano mutanda (6) muli aya masambililo.
  • Mukepushiwa ukulemba nangu ukusungila fintu mukalaumfwa umubili panshiku shitatu ukufika kuli cinelubali ukufuma apo mwalashilwa cila nshindano, imwe pamo nababomfi bapa cipatala mukalalanshanya pakuti bakaleishiba ifyo mulemfwa.
  • Ukutandala kukakonkapo ku cipatala kukabimbwamo ukupandwa amano palwa HIV nokupimwa, elyo nokwasuka amepusho ukufuma ku babomfi bapa cipatala. Uku kutandala kwena kukalaipipako ukucila pakutandala kwakulaswa inshindano.
  • Bumpandamano bwapa kashishi ka HIV bukamipela amano pamisango iisuma iyakuicingililamo kukwambula kwa kashishi ka HIV ilyo muli muli aya masambililo. 

Nililali kabilil nikwisa aya masambililo yakacitikila?

Aya masambililo yakatendeka ukulemba abantu bakusendamo ulubali mu mweshi wa Cinshi-kubili (November) 2017 elyo kabili yakalacitikila pancende ishingi mu calo ca South Africa, Malawi, Mozambique, Zambia, na Zimbabwe.